BERRIAK
"ZEUK AUKERATU": DONOSTIAKO NERABE ETA GAZTEEN OSASUN MENTALA ZAINTZEKO PREBENTZIO PROGRAMA
Donostiako Udalak eta AGIFES, Osasun mentaleko arazoak dituzten pertsonen eta haien senideen Gipuzkoako elkarteak Zeuk Aukeratu prebentzio programaren beste edizio bat jarri dute abian, Donostiako nerabeen eta gazteen osasun mentala zaintzeko.
Osasun Publikoko zinegotzi ordezkari Iñigo GarcÃak adierazi duenez, "gazteen eta nerabeen osasun mentalari buruzko datuek egoera kezkagarri bat jartzen dute agerian: Osasun mentaleko arazoen % 50 15 urte bete aurretik agertzen dira, eta % 75 18 urte bete aurretik. Beste datu oso kezkagarri bat honako hau da: gazteen % 49k pentsatu du inoiz bere buruaz beste egitean, horretan inoiz pentsatu ez dutenen portzentajea baino bi puntu gehiago. Osasun mentala zaintzearen garrantziaz sentsibilizatu nahi dugu, seinale goiztiarrak identifikatuz, batez ere adingabeen kasuan, seinale horiek arazoak sor baititzakete gerora. Era berean, estigmaren ondorioak minimizatu nahi ditugu, eta horretarako, arazoa estereotipoetatik kanpo ikusi behar da".
Udalak eskola-esparrura ere zuzentzen du Zeuk Aukeratu programa, zehazki, hezkuntza-sistemako eragile guztiei; izan ere, eragile horiek zeregin garrantzitsua dute gazteen garapen pertsonalean, eta, beraz, familiak, irakasleak eta 12-22 urteko ikasleak barne hartzen ditu.
Antsietatea, gogo-aldarte baxua, familia-arazoak, arazo akademikoak eta suizidio-ideiak edo -ahaleginak dira gazteek gehien pairatzen dituzten arazoak. Gazteen errendimendu, ongizatea eta bizitza kaltetzen ditu horrek.
Helburua da babes-faktoreak indartzea eta ondoez emozionalaren arrisku faktoreak minimizatzea. Ondoez emozional horrek konnotazio eta sintoma asko ditu; horiek, denboran irauten dutenean, estresa eragiten diote pertsonari, eta normal funtzionatzea eragozten diote. Ondorioz, gaixotasun mentala sor daiteke, prozesu afektibo eta kognitiboei, gogo-aldarteari, pentsamenduari eta portaerari eragiten dien nahasmendua.
DOKUMENTAZIOA
BANNERRAK
