PSE-EE DONOSTIA

• Facebook
• Twitter
• Google +
• Pinterest

Alarma-egoera eta konfinamendua airearen kutsadura-maila txikiak lortzen ari dira hirian. Datu horiek zenbatzen dituzten estazioen neurketen arabera, ia erabateko konfinamendu-asteetan nitrogeno dioxenoaren %50 eta %65 arteko jaitsierak egon dira.

Jaitsiera hori kaleetan ibilgailuen trafikorik ez egoteagatik (funtsezkoak izan ezik) eta industria-jarduerarik ezagatik gertatu da.

Donostiako Udaleko Ingurumen Sailaren txosten baten arabera, apirileko lehen hamabostaldian gora egin du aireko polenaren mailak, eta, beraz, PM10 partikulen presentziak, arrazoi artifizialek (industria, obrak, berokuntzak, trafikoa...) eta naturalek (Saharako hautsa, polena edo itsas aerosola...) eragindakoak, ez du gehiegizko beherakada eragin.

Enrique Ramos Ekologia zinegotziak adierazi duenez, "Datu horiek logikoak eta espero zirenak dira, konfinamenduaren garairik gogorrenean jarduera ekonomikoa eta giza jarduera murriztu ondoren. Airearen kalitatearen mailak gora egin du, eta hori beti da positiboa, baina bizi-kalitatearen eta jarduera ekonomikoaren kalterako izateak bere neurrian baloratu beharra eragiten du".

Ramosek gogorarazi du, halaber, Donostiaren abiapuntua ez dela Madril eta Bartzelona bezalako hiriena. "Urtean 300 egun baino gehiago ditugu airearen kalitatea ona edo oso ona dela. Hala eta guztiz ere, aste hauetako datuek hobetzeko aukera badagoela adierazten dute".

Hori dela eta, Ekologia zinegotziak gutxienez normaltasun batera itzultzen denean "kutsadura mailak murrizten saiatzeko formulak bilatzearen alde egin du, airearen kalitatea hobetzeko".